Evalueringrapport
Evaluering er viktig. Lærdal Musikklag tek det særs alvorleg.
Lærdal musikklag har i mange år evaluert det meste me gjer i det offentlege rom. So også i år. Etter at me hadde spelt på Lærdalsmarknaden var det full mobilisering for å finne ut om det var noko me kan gjera betre.
Gjengen møtte edru og nyvaska på Essoen klokka 16.00. Det var opptil fleire bleike fjes, då rykta ville ha det til at nemndi hadde ekstrem-aktivitetar på programmet.
Det var Jermund sin tur til å køyra, og kursen vart sett austover. Før me forlet Øyri plukka bussen opp musikantar med både små og store organ. Og kaker!
Althodni hadde ansvaret for lett underhaldning i bussen. Den var lett, men alle skjøna den!
Undervegs fekk me omvising både i stavkyrkja og kraftstasjonen på Lo. Me spelte utanfor stavkyrkjesenteret med omlag like mange publikummarar som i Undredal. Deretter bar det til fjells og innviing av finmessingen sitt grupperom på Buhaugane
Der vart det mat og kviss, og nokre tok eit lite glas vin til maten som det høver seg i fint selskap. Kvissjuryen var nok litevetta korrupt, men slike kveldar ser me stort på det.
Kvart over elleve var me trøytte og overtalte Jermund til å køyra oss heim att.Endå ei vellukka evaluering var til ende, og Lærdal musikklag står godt rusta til oppstarten i haust. Då står det tur til Stockholm på programmet.
Takk til borgundsgjengen for ei minnerik evaluering.
Evalueringsrapport orginaldokument, forfattar: LØV
